ტყის ტოროლა

აღწერა

ტყის ტოროლა (ლათ. Lullula arborea) — ფრინველი ტოროლასებრთა ოჯახისა. მისი სხეულის სიგრძეა 14–18 სმ, მასა 23–32 გრამი, ფრთების შლილი 28–34 სმ. შეფერილია მურა-ჟანგისფრად და აქვს ჭრელი მოხატულობა, მუცელი ღიაა, გამოკვეთილია თეთრი წარბი. გალობა — „ული-ული-ული…ულ-ულ-ულ…“. გავრცელებულია ევროპაში, ახლო აღმოსავლეთში, კავკასიაში, შუა აზიის სამხრეთ ნაწილში. იზამთრებს დასავლეთ ევროპასა და ხმელთაშუაზღვისპირეთში. საქართველოში მობუდარია. ბინადრობს მშრალ ტყისპირებში, ფიჭვნარში, გაკაფულ ადგილებში, მეჩხერ ტყეებში. იკვებება მწერებითა და თესლებით. ქმნიან ტერიტორიულ წყვილებს. ბუდე შენიღბულია მიწაზე. დედალი დებს 4–5 კვერცხს; ბუდობს ისვე 12–15 დღის მანძილზე. ბარტყებს ორივე მშობელი კვებავს. სპორადულად გავრცელებული მცირერიცხოვანი სახეობაა.