ამინდის, თევზაობისა და ნადირობის პროგნოზი

Wildera-ში ახლა სამი პროგნოზია, რომლებიც ერთმანეთს ავსებს: ამინდი, თევზაობის პროგნოზი და ნადირობის პროგნოზი. სამივე ერთ კითხვას პასუხობს — როდის და სად ღირს გასვლა. თევზაობისა და ნადირობის პროგნოზი 4 ოქტომბრიდან ყველა მომხმარებლისთვის ჩაირთო.

ამინდი

„აღმოაჩინე“ გვერდზე ამინდის ბარათი შენი ადგილის ამინდს აჩვენებს: ტემპერატურას, ცის მდგომარეობას, ქარის სიჩქარესა და მიმართულებას, მზის ამოსვლისა და ჩასვლის დროს და მთვარის ფაზას. ბარათზე ერთი სიტყვითაც წერია, როგორი დღეა გარეთ გასასვლელად — წყნარი, ქარიანი თუ წვიმიანი.

დღეების მიხედვით ამინდს თევზაობისა და ნადირობის პროგნოზში ნახავ — ორივე პროგნოზი სწორედ ამინდზე დგება.

თევზაობის პროგნოზი

თევზაობის პროგნოზი გაჩვენებს, რამდენად აქტიურობს თევზი კონკრეტულ წყალსატევზე — ტბაზე, წყალსაცავზე, მდინარეზე თუ შავი ზღვის სანაპიროზე. რუკაზე საქართველოს 850-ზე მეტი წყალსატევია.

დღის ყოველ საათს 0-დან 100-მდე ქულა აქვს. ქულა ითვლება ამინდით (ტემპერატურა, განათება, ღრუბლიანობა, ქარი, წნევა), მთვარის ფაზით და იმით, როგორ იქცევა ამ წყალში მცხოვრები თითოეული სახეობა. პროგნოზი გეტყვის დღის საუკეთესო საათებს და იმასაც, რატომ არის დღე კარგი ან ცუდი.

• დღის ქულა და საუკეთესო დრო თითოეული წყალსატევისთვის;
• საათობრივი გრაფიკი;
• „სად წავიდე“ — ახლომდებარე წყალსატევები, საუკეთესოდან დაწყებული;
• მთვარის კალენდარი;
• თევზის გზამკვლევში ღილაკი „სად აქტიურობს დღეს“ — სად აქტიურობს ესა თუ ის სახეობა.

უფასო პაკეტში 3 დღის პროგნოზია, Plus-ში — 7 დღის, სახეობების მიხედვით ქულებით, Pro-სა და Loyality-ში — 16 დღის. Pro და Loyality წევრებს დამატებით აქვთ შეტყობინებები რჩეულ წყალსატევებზე, დაჭერების ჟურნალი, საკუთარი სტატისტიკა და პროგნოზის ნახვა ინტერნეტის გარეშე.

ნადირობის პროგნოზი

ნადირობის პროგნოზი ფრინველებზეა: საერთო სარგებლობის ტერიტორიაზე, სამონადირეო მეურნეობების გარეთ, კანონი მხოლოდ გადამფრენ ფრინველებზე ნადირობას უშვებს. რუკაზე ირჩევ ადგილს და პროგნოზი გეტყვის:

• შეიძლება თუ არა იქ ნადირობა — ნაკრძალი, ეროვნული პარკი თავისი დამცავი ზოლით, ქალაქის საზღვრები, სოფლის სიახლოვე;
• რომელ ფრინველზეა დღეს სეზონი გახსნილი;
• როდის აქტიურობს თითოეული სახეობა დღის განმავლობაში — დილით, შუადღით თუ საღამოს;
• ამინდს და იმას, რამდენად ხელსაყრელია ღამე ფრინველების გადაფრენისთვის;
• მსგავს დაცულ სახეობებს, რომ არ აგერიოს.

უფასო და Plus პაკეტში ჩანს დღევანდელი დღე, ადგილის შემოწმება და ერთი სახეობის აქტიურობა. Pro და Loyality წევრებს აქვთ 16 დღის პროგნოზი ყველა სახეობაზე, შენახული ადგილები შეტყობინებებით, ნადირობის ჟურნალი დღიური ლიმიტის კონტროლით, სანადირო მოსაკრებლის ქვითრის შენახვა, სახაზინო კოდის მოძებნა მოსაკრებლის გადასახდელად, ზონები ინტერნეტის გარეშე და რუკაზე ფენა „ნადირობის ზონები“.

პროგნოზი დაგეგმვაში დაგეხმარება, მაგრამ ოფიციალურ წესებს არ ცვლის. სეზონის თარიღები და აკრძალვები ყოველთვის გადაამოწმე გარემოს ზედამხედველობის დეპარტამენტის საიტზე.

სად იპოვი

„აღმოაჩინე“ გვერდზე — ბარათები „თევზაობის პროგნოზი“ და „ნადირობის პროგნოზი“. Pro წევრს ნადირობის პროგნოზის გახსნა რუკაზე ხანგრძლივი დაჭერითაც შეუძლია, ნებისმიერი ადგილისთვის.