ქვეწარმავლების გზამკვლევი

ტყეში, მდინარის პირას თუ მინდორში გველის დანახვა ჩვეულებრივი ამბავია. უმეტესობა ადამიანისთვის უვნებელია, მაგრამ ზოგი შხამიანია. ქვეწარმავლების გზამკვლევი დაგეხმარება, ერთი მეორისგან გაარჩიო.

რა არის გზამკვლევში

გზამკვლევში საქართველოში გავრცელებული გველებია — შხამიანიც და უშხამოც. თითოეულ სახეობას თავისი გვერდი აქვს:

• ფოტოები, რომლითაც სახეობას ამოიცნობ;
• ქართული, ინგლისური და სამეცნიერო სახელი;
• შხამიანია თუ უვნებელი, და რა უნდა იცოდე მის შხამზე;
• სხეულის სიგრძე;
• სად ცხოვრობს — ჰაბიტატი და საქართველოს რომელ რეგიონებში გვხვდება;
• დაცვის სტატუსი და აღწერა.

სახეობას სახელით მოძებნი, სიას კი გაფილტრავ — შხამიანი ან უშხამო, ან რეგიონის მიხედვით.

რატომ გამოგადგება

როცა იცი, ვისთან გაქვს საქმე, ნაკლებად შეცდები: შხამიანს არ მიუახლოვდები, უვნებელს კი ტყუილად არ მოკლავ. ზოგი სახეობა საქართველოს წითელ ნუსხაშია და დაცვას საჭიროებს.

თუ გველმა გიკბინა, თავს ნუ იმკურნალებ — დარეკე 112-ზე ან მიდი უახლოეს სამედიცინო დაწესებულებაში.

შეამოწმე ცოდნა

ქვიზებში ცალკე თემაა ქვეწარმავლებზე — იქ ნახავ, რამდენად კარგად ცნობ მათ.

გზამკვლევი ყველასთვის უფასოა. სად იპოვი: „აღმოაჩინე“ → „ქვეწარმავლების გზამკვლევი“.